မြန်မာပြည်ရဲ့ လွဲမှားနေတဲ့ ပညာရေးနဲ့ပတ်သက်ပြီး ရှင်းရှင်းလင်းလင်း ပြောပြလိုက်တဲ့ ဟိန်းထက်

MRTV-4 ရုပ်သံဇာတ်လမ်းတွဲမှစလို့ ပရိတ်သ‌‌တ်တွေရဲ့ ရင်ထဲကိုအောင်မြင်မှုများစွာနဲ့ တဟုန်ထိုးဝင်ရောက်လာတဲ့ မင်းသားချော ဟိန်းထက် ကိုလည်း မှတ်မိကြမယ်ထင်ပါတယ်။

ကိုရင်မောင်ရယ်လို့ ဂျီဟောသူရုပ်သံဇာတ်လမ်းတွဲမှာလည်း မိန်းကလေးပရိတ်သတ်တွေ အင်မတန်နှစ်သက်အားပေးခဲ့ကြတဲ့ မင်းသားချောတစ်လက်ဆိုရင်လည်း မမှားပါဘူး။

မင်းသား ဟိန်းထက် ဟာ သရုပ်ဆောင်တဲ့နေရာမှာ တော်ရုံတင်မက အမှန်တရားအတွက် ရပ်တည်ပေးနေတဲ့ သူ့ရဲံ စိတ်ဓာတ်ကလဲ အရမ်းကိုလေးစားစရာ ကောင်းပါတယ်နော်။

ဟိန်းထက် ကတော့ ဘာသာတရားကို လေ့လာလိုက်စားသူတစ်ဦးဖြစ်ပြီး စာပေနဲ့ပတ်သက်၍ ဗဟုသုတ ကြွယ်ဝသူတစ်ဦး လဲ ဖြစ်ပါတယ်။

ဒီကနေ့မှာတော့ မြန်မာပြည်ရဲ့ ပညာရေးနဲ့ပတ်သက်ပြီး ပြည်သူတွေကို ရှင်းလင်းစွာ ရေးသားလိုက်ပုံကတော့ ” -ယခုခေတ်တွင် ပညာဟူသည်ဆိုတာနှင့် ​ကျောင်းပညာ​ရေးကိုသာ​ပြေးမြင်ကြသည်။

ဆရာ ဆရာမများ ​ကျောင်း ဟူ​သောအရာတွင်သာအလွန်မှီခိုကြသည်။ခရစ်ရှာနာမူတီးက ဒီလို မှားယွင်းစွာမှီခိုခြင်းကို သူ့ရဲ့ စာအုပ် Think of the these thingsတွင်​ဖော်ပြထားသည်။မှန်ပါ​ပေသည်။ အဘယ်​ကြောင့်နည်း။

မိဘ​တွေ​ကြောင့်လို့​ပြောလျှင်မှားမည်မထင်။မိဘဟူသည် သားသမီးကို ပညာတတ်ကြီးဖြစ်​စေချင်ကြသည်။ ကြီးပွားတိုးတက်​စေချင်ကြသည်။ဒါ​ကြောင့် ပညာတတ်ကြီးဖြစ်​အောင် ​ကျောင်းထားကြသည်။

ပညာရှိကြီးဖြစ်​အောင် ​ကျောင်းထားခြင်းက ရှားသည်။ ပညာဟူသည်တွင် အသိပညာနဲ့အတတ်ပညာ နှစ်မျိုးစလုံးက သင်ယူရမည့်အရာ​တွေဖြစ်သည်။ဒါမှ ပညာရှိဖြစ်မည်။ ကျ​နော်တို့နိုင်ငံရဲ့ ယခု ပညာ​ရေးစနစ်အရ အတတ်ပညာကိုသာ သင်ကြား​ပေးသည်ကများသည်။

အသိပညာသင်ကြားရမည့် ပြည်သူ့နီတိ အချိန်တွင် မြက်နုတ်ခိုင်းသည်။ကျ​နော်တို့တုန်းကဆို ကြက်ဆူပင်စိုက်ရသည်။လူတစ်​ယောက်အတွက် အသိပညာ ပြည်သူ့နီတိက အလွန်အ​ရေးပါသည်ကို မသင်တာ အလွန်အံသြမိသည်။

အိမ်နီးချင်းထိုင်းနိုင်ငံတွင် ငယ်စဥ်​ကျောင်းတက်ကတည်းက ပြည်သူ့နီတိကို ​သေ​သေချာချာသင်သည်။ထို​ကြောင့်ထိုင်း​တွေအ​တော်များများ ယဥ်​ကျေးကြသည်။ သူတို့ရဲ့ ဆုံးပါးသွားတဲ့ဘုရင်ရဲ့ အ​​မြော်အမြင်​ကောင်းမှုပင်။

ဒါဆို ဒီပြည်သူ့နီတိက ဘယ်က​နေ အ​ခြေခံသနည်း။ကျ​နော့် တစ်ဦးရဲ့ အယူအဆအရထိုင်း​တွေက ဘာသာတရားကယူသည်ဟုထင်သည်။ ဘယ်ဘာသာမဆို ​ကောင်းတာလုပ်ဖို့ဆုံးမတာ​တွေပါပဲ။

ဒါ​ကြောင့် ဘာသာတရားကို ပညာ​ရေးမှာထည့်သွင်းသင်ကြား​စေကြသည်။ သို့​ပေမယ့် ဘာသာတရားကိုတိုက်ရိုက်မသင်ပဲ ပြည်သူ့နီတိဟု ​ပြောင်းလည်းလိုက်ခြင်းက လူ​​တွေရဲ့ဘာသာအစွဲ​တွေဖြစ်မှာကို မဖြစ်​စေဖို့ ပြည်သူ့နီတိလို့နာမည်ငှားသုံးလိုက်ခြင်းဖြစ်သည်။

နောက်တစ်ချက်ဒီလို​ဘာလို့ ပြောင်းသုံးရသလည်းဆို လူ​တွေက ပညာ​ရေးဆို အတန်းပညာသာ ​ပြေးမြင်ကြသည်။ ဘာသာ​ရေးကို ပညာ​ရေးနဲ့ ခွဲထားကြသည်။ မတူဘူးလို့ထင်ကြသည်။

တကယ်​တော့ ပြည်သူ့နီတိလို့​ခေါ်တဲ့ အသိပညာ​တွေဟာ ဘာသာ​ရေးထဲတွင်ရှိသည်။ တစ်ခုသတိထားရမှာ ဘာသာတစ်ခုကို ​သေချာမ​လေ့လာပဲ မိရိုးဖလာအဆင့်တွင်​နေလို့မရ​ပေ။သက်ဝင်ယုံကြည်မှုအဆင့်သို့သွားမှသာ ဘာသာတရားရဲ့အနှစ်သာရ အသိတရားကို​တွေ့ရ​ပေမည်။

ဒီလိုမှမဟုတ်ရင် Traditionဆိုတဲ့ ယဥ်​ကျေးမှုနဲ့ Religionဆိုတဲ့ ဘာသာတရားကို ​သေချာခွဲခြားနိုင်မည်မဟုတ်​ပေ။မခွဲခြားနိုင်ရင်ယဥ်​ကျေးမှု(Tradition)ကိုဘာသာတရား(Religion) ထင်သွားတတ်သည်။

ဆွမ်းဆန်ထဲကြက်​ချီးရောသလိုဖြစ်သွားတတ်သည်။ဒီလိုဆို​ ကောင်းသင့်သ​လောက်မ​ကောင်း​တော့ပဲ လမ်းလွဲသွားတတ်သည်။

ဒါ​ကြောင့် ပညာဟူသည် အသိပညာလို့​ခေါ်တဲ့ ကိုယ်ချင်းစာတရား တစ်နည်း ဒီမိုက​ရေစီတရား နဲ့ အတတ်ပညာလို့​ခေါ်တဲ့ ​လုပ်တတ်ကိုင်တက် တက်ကျွမ်း​သောပညာရပ်​တွေကို ​လေ့လာမှသာ ပညာရှိဖြစ်ပြီး အများအကျိုးကိုထမ်း​ဆောင်တဲ့ ပညာရှိ​ လူ​ကောင်းလူ​တော်လေး​တွေဖြစ်လာပါလိမ့်မယ်။

ဒါ​ကြောင့် အသိပညာကော အတတ်ပညာပါ သင်ယူကြ​စေချင်သည် ” လို့ ရေးသားထားတာကို တွေ့ရပါတယ်။

ကဲ … ပရိသတ်ကြီးရေ ဟိန်းထက် ပြောပြလိုက်တဲ့ မြန်မာပြည်ရဲ့ လွဲမှားနေတဲ့ ပညာရေးအသိနဲ့ ပတ်သက်ပြီး နားလည်သွားလောက်ပြီထင်ပါတယ်နော်။ အသိပညာနဲ့ အတတ်ပညာကို ခွဲခွဲခြားခြား သိမြင်နိုင်ကြပါစေ။
credit

Leave a Reply

Your email address will not be published.